وجـهـة_نـظـر

موضوع: وجـهـة_نـظـر الأربعاء مايو 24, 2017 3:14 pm

أنواع_بعض_الصُحاب ..!!

[rtl]* الصاحب السنكوح, دايماً مُقتنع انه مسؤل منك ولازم تصرف عليه, و طالما انتو صحاب يبقي حياتك هي حياتي واتمني اكون مبسوط فيها، أسلوبهم بيكون واحد, ممكن تصورلي مُحاضرات، ممكن تدفعلي عشان معيش فكة، ايه ده وريني الروج ده، الله هاتي رشه من البرفيوم ده، فِ لسه حاجة معاكي مجربتهاش ؟ ممكن تلاقيه ع سريرك .. معلش كنت بجرب سريرك مريح ولا لأ ![/rtl]

* صاحب المصلحة, و ده بيبدأ كلامة ب كلمة " بقولك ايه " مبتشوفهوش غير قبل الامتحانات عشان يقربلك و تظبطه ف الامتحانات، مبتسمعش صوته غير لو في حاجه عايزها و بعد ما ياخد الـ محتاجة بيختفي, مبيظهرش غير فِ المواسم عموماً, فِ رمضان عاوز يفطرعندك, فِ العيد الكبير عاوز لحمه، فِ شم النسيم عاوز رنجه فِ عيد ميلادك عاوز يعمل من بنها.
* الصاحب ابو وشين, أول ما يتقابلوا ياخدو بعض حضن مطارات و صويت و حبيبتشي وحشتيني و مجرد ما يدو ضهرهم لبعض تشتغل وصله الشتيمه " مبحبهاش، دي صفرا و بتغير مني، دي مصاحبه ميزو و كيمو و بيسو مقاس رجليها بقي 43 من كتر المشي معاهم " !
* الصاحب الكداب, ده بيبان من كلامه و لو فاتحته ف نفس الحوارت الـ بيحكيها كل فترة هينزلك بupdate جديد للحوار، الفتي عنده اسلوب حياة, لو سألته ف حاجة معندوش كلمة معرفش, لازم يفتي و خلاص، دايما ف بؤه جُملتين " انا اكتر حاجك بكرها الكدب، وانا مبحبش افتي" وهو برميل كدب مُتحرك.
* الصاحب المنشن, داالـnotification بتاعتك مفيهاش غير اسمة ممنشنلك علي9000 بوست فِ الدقيقة مجرد ما عينة تقع ع بوست بتخطر ف باله حتي لو ملكش علاقه بـ الـ مكتوب " بوست رومانسي يمنشن، صور ناس يمنشن، شقق للبيع يمنشن، اعلان سيراميك يمنشن " ماشي يمنشن علي روحه.
* الصاحب المؤقت, دا بيدخل حياتك يتف فيها ويمشي عالطول, بيبدأ علاقته بيك باهتمام و يقربلك و تقرفونا ع الفيس تاج لبعض ع صور بوستات " اخويا الـ مجبتهوش امي، توأمي و بنت قلبي والـ يشوفنا يقول 2 إخوات" و مجرد ما يزهقوا او يلاقو البديل بيدوك صابونه و يسبوك انت عايش ف اكتئابك الـ بتطلعوا برضو علينا وتقرفنا كلام عن غدر الصُحاب والوحده بتقتلك و المايه بتغسلك و أبوك بيسبلك.

Admin المساهمات : 44 تاريخ التسجيل : 12/09/2016

صح كلامك

قال أحد الحكماء : لا تصاحب إلا من يكتم سرك ويكون لك ومعك في النوائب*
وينشر حسناتك ويطوي سيئاتك فإن لم تجده فلا تصاحب إلا نفسك

ابداعك فاق الكلمات والحروف والهمسات
راق لي كثيراً ما قرات
دمت بخير
احترامي لك وخالص تقديري لقلمك